Мајка на бес

Се будам од сон

во кој те видов

прошетавме

правевме глупав мал муабет

стекнавме доверба

да си кажеме нешто

без да има трнова ограда

околу нас.

Во ред е,

колку и да не сакам да признаам.

Ми кажуваш за некого

сте се виделе денес

ја опишуваш неговата

себесвртеност и исполнетост

се поради некои трикови

што треба меѓу нас

да создадат потсмев

а знам дека ти се допаѓаат

зар гладна мачка би одбила храна

Те прашувам за колку време

ќе му дадеш

ти велиш за три гледања

и се замислуваш мирно

а јас иако спремен

за прошетка

сепак сеуште бесен и улав

си одам остро

бидејќи бевме пред влез

не зборувам само се вртам

фрлам одалеку да те удрам

со клучевите

ти се дерам

ти се заканувам да не поминуваш

повеќе

затоа што ќе те убијам

ако те видам во близина

затоа што и мене ми се соблече

третиот пат.