се будев во креветот
кога се сетив на неа.
со подотворено око ја замислив
па пропаднав во сон без неа до заборав.
ги вртев педалите
покрај моќната надојдена вода
на која и се восхитував.
на малиот водопад кај железничиот мост.
магловито ноемвриско утро
втор пат се сетив на неа.
не се пишува кога одиш на работа
немаш време
иако си жеден и сув
помислив на пижамите
дека би ги сакал бели со сини точки
како оние на фустаните од Mерилин Mонро.
но тоа не е мисла за маж и тука прекинав.
научив разлика меѓу род и пол
тоа не е мисла на маж.
чекав на семафор
кога пак се сетив на неа
на таа не машка мисла.
дознав и дека Леон преминал
тогаш кога ммкаше и играше
на песна во твојата глава.
танцувај ме до крајот на љубовта
- таа рече ја пееш.
каква случајност да се сетиш на него
кога умира. и ќе верував во метафизика
да не дознаев дека починал три дена
претходно, а ова сега е само вест.
не се пишува кога се оди на работа
кога се оди на работи
иако си жеден и сув
Friday, November 11, 2016
не се пишува кога се оди на работа
Subscribe to:
Post Comments
(
Atom
)
No comments :
Post a Comment
Тell you something