Неколку зборови кажани
ножеви расфрлани
месо и крв исцицани
да ги искористев нив
со сигурност ќе пишев
нешто поубаво
подраго
прифатливо
за вас и нас
за тебе и мене
Неколку минути дневница
исчукани фрази
нацртано сеќавање
извадени слики од друга
затоа што нели времињата
беа подобри порано
за разлика од сегашноста
каде ги имаме само оние
болките и грешките
оставени
и грижите за утре
за постела и топлина
Неколку реченици
искажана желба за безгрижност
мало блеснување на една неважност
што сакаш да ти постанам
да станам вистински далечен
наместо лажен како сега
да постанам грд
осамен
и неважен
за спомен
Труп
ладен камен
кој што инспирација
не може да исцрпи
од љубов
што се полива
со вода
посрана
No comments :
Post a Comment
Тell you something